Baile

Is í an Ghaeilge teanga dhúchais mhuintir Chonamara leis na céadta bliain.

Labhraíonn pobal na háite seo Gaeilge mar gurb í sin an teanga is nadúrtha leo a úsáid agus iad ag caint le chéile.

Is iomaí scríbhneoir, file agus ealaíontóir de bhunadh na háite seo a fuair a gcuid inspioráide ó shaibhreas chultúrtha an cheantair agus ó áilleacht na timpeallachta.

	In Indreabhán atá Coláiste Lurgan suite.   Tá Coláiste Lurgan ann chun freastal ar dhaoine óga atá ag iarraidh feabhas a chur ar a gcuid gaeilge labhartha.

Chuile shamhradh tagann scoláirí óga as chuile chearn den tír go hIndreabhán chun cónaí inár measc ar feadh roinnt seachtainí. 

Déantar chuile iarracht a chinntiú go mbíonn siad ar a gcompord agus iad anseo in éineacht linn ag foghlaim na Gaeilge.

Tar go Coláiste Lurgan an samhradh seo chugainn ! Glac páirt ghníomhach i saol na Gaeltachta agus tabhair tús áite do labhairt na Gaeilge.