Cúrsa Teagaisc

Is cuid an-tábhachtach den chúrsa Gaeilge iad ranganna na maidne mar is i rith an ama seo a fhoghlamaítear na téarmaí, an foclóir agus na nathanna cainte a úsáidtear le linn do scoláirí a bheith ag caint lena chéile agus ag déanamh caidrimh.

Tá cúrsa teagaisc Choláiste Lurgan an-difriúil ó chúrsa gaeilge na scoile sa mhéid is nach bhfuil aon bhéim ar scríbhneoireacht ná ar léitheoireacht.

Is ar labhairt agus ar chumarsáid trí Ghaeilge a chuirtear an bhéim uilig.

Is cúrsa teagaisc ilmheánach, digiteach, deartha go speisialta do chúrsaí an tsamhraidh a bhíonn in úsáid i ranganna an Choláiste.

Tá cúrsa Gaeilge Choláiste Lurgan leagtha amach in aonaid ina bhfuil éagsúlacht cur chuige agus cur i láthair.  Tá 26 aonad sa chúrsa agus 4 cheacht i ngach aonad.  Rinneadh iarracht éagsúlacht a bheith san ábhar, sna ceachtanna agus sa gcur chuige múinteoireachta i ngach aonad.

Tá trí chuid sa gcúrsa nua seo:

• Tá os cionn céad cur i láthair ilmheánach réitithe le húsáid sa seomra ranga.  Díríonn gach ceann acu seo ar cheacht ar leith agus tá leathanach cleachta sa leabhar oibre bunaithe ar gach ceann acu.

• Tá 120 leathanach lándaite sa leabhar oibre ina bhfuil os cionn míle íomha.  Tá gach leathanach ag tagairt do chur i láthair ilmheánach ar leith agus is mar chleachtadh ar an gcur i láthair seo is ceart an leabhar oibre a úsáid.

• Tá dhá dhlúthdhiosca fuaime ann ar a bhfuil fuaimrianta an chúrsa.  Bronnfar cóip den dá dhlúthdhiosca seo ar gach scoláire ag deireadh an chúrsa.  Beidh scoláirí in ann dul siar ar an gcúrsa Gaeilge ach an leabhar oibre agus na dlúthdhioscaí a úsáid.

Féach thíos  leathanaigh samplacha den leabhar oibre.